Monday, June 10, 2013

বিদায় ফাগুন

বিদায় ফাগুন

শেষৰজাক বৰষুণত তিতি তিতি
তই যাবলৈ ওলালি
কাঞ্চনজনীক ভৰুণ কৰি থৈ
তই বৰ দুষ্ট
ফাগুন
পলাশ শিমলু মদাৰ
আৰু কাৰ কাৰ লগত যে তই
প্ৰেমৰ খেলা নেখেলিলি!
আজি তই যাবলৈ ওলালি
সকলোৰে বুকুত প্ৰাপ্তি আৰু অপ্ৰাপ্তিৰ ৰঙ সানি...

মৃতজীৱী


▌▌মই মৃতজীৱী
মৃত্যুৰ কোলাতে
প্ৰাণ পাই উঠো মই
ৰূপকথাৰ সেই ফিনিক্সৰ
ময়ে শ্বাশ্বত ৰূপ
ধ্বংসস্তুপ বিদাৰি
অংকুৰিত হওঁ মই
"সৃষ্টি বাবেই ধ্বংস"ৰ
ময়েই জলন্ত প্ৰমাণ ▌▌


ডাৱৰীয়া

ডাৱৰীয়া

আজিকালি আকাশখন
বৰকৈ গোমা হৈ থাকিব ধৰিছে
অভিমানৰ কলীয়া ডাৱৰে
ক্ৰমশঃ ঢাকি ধৰিছে আকাশখন
কাৰণ
এতিয়া অভিমানবোৰ বৰষুণ হৈ
সৰিব খুজিও সৰিব নোৱাৰা হৈছে...

দুখ

«« দুখ »»

দুখবোৰ উজাই আহিছে
ন-পানীৰ মাছৰ দৰে
উদাস উদাস বতাহ এজাকে
দুখবোৰক নিচুকাইছে আহি
এজাক বৰষুণ অহা হ'লে!
চকুপানীবোৰো সাহসী হৈ উঠিলহেঁতেন
জিৰি জিৰি দুটি নিজৰা হোৱাৰ জোখাৰে

► বিতোপন গগৈ