মূলঃ কিতাবগঞ্জ
অনুঃ বিতোপন গগৈ
গান্ধীক শেষ কৰিবলৈ
তোমাক অসীম সময় লাগিব।
তেওঁৰ মহত্ব কমাবলৈ
বছৰ বছৰ চেষ্টা কৰি আছা তুমি।
কিন্তু প্ৰতিবাৰেই তেওঁ উভতি আহি আছে
এই প্ৰতিৰোধৰ বিৰুদ্ধে যুঁজি যাবলৈ।
তেওঁ লুথাৰ কিং হৈ যুঁজিলে
কৃষ্ণাংগসকলৰ অধিকাৰৰ বাবে।
তেওঁ নেলচন হৈ
গণিলে আফ্ৰিকাৰ কাৰাগাৰৰ দেৱাল।
যেতিয়া ইন্দিৰাই প্ৰত্যাহ্বান জনাইছিল
গণতন্ত্ৰৰ বুনিয়াদক
তেওঁ জনগণ হৈছিল ইয়াক বচাবলৈ।
হাতত পতাকা লৈ
তেওঁ আজিও ঠিয় দি আছে
কোনোবা বিশ্ববিদ্যালয়ৰ চৌহদত
স্বৈৰতন্ত্ৰক বাধা দিবলৈ।
এতিয়াও গান্ধীক শেষ কৰিবলৈ
তোমাক অসীম সময় লাগিব।
২ অক্টোবৰ, ২০২২
No comments:
Post a Comment