প্ৰেম

মূলঃ সৌৰভ  অনুঃ বিতোপন গগৈ

মই তোমাক লগপোৱাৰ বাটত

ভূগোল বাধা হৈ পৰে

গণিতেও বাধা দিয়ে আউল লগাই

সৃষ্টিৰোতো নিজৰ নিয়ম থাকে!

মই তোমাক লগ পোৱাৰ

মাত্ৰ দুটাই কাৰণ আছিল

মোৰ আৰু তোমাৰ মাজত প্ৰেমৰ সম্ভাৱনা

মোৰ আৰু তোমাৰ প্ৰেমৰ মাজত সম্ভাৱনা

এই দুই সম্ভাৱনাৰ বাবে

ভূগোলে বাট এৰি দিয়ে

গণিতে যোগ বিয়োগ কৰে

সৃষ্টিয়ে নিয়ম সলনি কৰে

সম্ভাৱনাৰে ভৰা প্ৰেমত

প্ৰকৃতি অনিবাৰ্য

সম্ভাৱনাৰে ভৰা প্ৰেমত

কাকতলীয় বুলি একো নাথাকে।

৬ ডিচেম্বৰ, ২০২২