মুক্তিবোধ

মূলঃ বিকি মহেশ্ৰী
ভাবানুবাদঃ বিতোপন গগৈ

ধুমুহাৰ জুলনাত তুমি ঝুলা
জুই হৈ তুমি ফুলা
ছহিদ হ'বলৈ তুমি নাচি উঠা
হে জনতা নিয়ৰক নহয়
ৰক্তিম পুৱাক তুমি চুমা খোৱা

নিজ হাতেৰে পাহাৰ ভাঙা
বোৱাই আনা নদী
কাটি উলিওৱা পথ
জীৱন পি পিয়াহ মাৰা

ভাত তোমাক বেদে নিদিয়ে
কাম তোমাক কোৰাণে নিদিয়ে
ভাষা তোমাৰ ধৰ্ম
মা তোমাৰ কৰ্ম
যুদ্ধ তুমি ভাতৰ বাবে কৰা
যুদ্ধ তুমি মাৰ বাবে কৰা

জীৱনৰ বাবে যুদ্ধ
মাথো বিকল্প
তুমি যুঁজিবা
তুমি জিকিবা

২১ ডিচেম্বৰ, ২০১৯