জুইবোৰ পানী হৈ পাৰ ভাঙি বৈ আহিছে
ক'লা ধোঁৱাবোৰ ডাৱৰ হৈ আকাশ চানিছে
খাওঁ খাওঁ কৈ
ভয়ংকৰ মুখ মেলি
লেলিহান জিভাৰে চেলেকি চেলেকি
বিকাশৰ জুয়ে
এফালৰ পৰা ধাহিমুহি
পেটত ভৰাই গৈছে
অৰণ্য-বিল-চৰাই-শিহু
চাহনি-তামোলবাৰী-ঘৰ
গিলি গৈছে মাটি-পানী-বতাহ
মানুহবোৰে ধান হেৰুৱাইছে মান হেৰুৱাইছে
বাঁহ হেৰুৱাইছে সাহ হেৰুৱাইছে
আৰু আমাৰ সম্ৰাট নিৰুৱে বেহেলা বজাইছে—
ৰাইজ শংকিত নহ'ব!!!
৯ জুন, ২০২০
No comments:
Post a Comment