মূলঃ Varavara Rao
অনুবাদঃ বিতোপন গগৈ
মই বোমা বিলোৱা নাই
নাই বিলোৱা বিচাৰধাৰা
তোমালোকেই গচকি পেলাইছিলা
পৰুৱাৰ গাঁতবোৰ
কঠিন গোৰোহাৰ জোতাৰে
গচকি পেলোৱা ধৰাত
তেতিয়াই জ্বলি উঠিছিল প্ৰতিহিংসাৰ ধাৰা
মৌমাখিৰ বাহত
তোমালোকেই লাঠিৰে কোবাইছিলা
এতিয়া তোমালোকক অনুসৰণ কৰা
মৌমাখিৰ গুণগুণনিত
কঁপিছে তোমালোকৰ বুকু
চকুৰ আগত অন্ধকাৰ দেখি
ক'লা পৰি গৈছে তোমালোকৰ মুখ
জনতাৰ হৃদয়ত বজা
জয়ঢোলৰ শব্দক
তোমালোকে মাত্ৰ এক প্ৰত্যাহ্বান বুলি ভাবিছিলা
আৰু সেইফালে বন্দুক টোঁৱাই দিছিলা
এতিয়া দশোদিশৰ পৰা আহিছে
বিপ্লৱৰ আহ্বান!
No comments:
Post a Comment