ৰাজপথত খেতিয়ক

মূলঃ জেচিন্তা কেৰকেট্টা

অনুঃ বিতোপন গগৈ

কিয় অন্নদাতাই ৰাজপথত শেষ নিশ্বাস এৰিব

গাঁৱৰ পৰা আহি তেওঁলোকে

তোমাৰ চহৰ আগুৰিব

তোমাৰ দেহত লাখটকীয়া চ্যুট

তেওঁলোকৰ বাবে নাই পিয়াহৰ পানী এঘোট

কাৰ জেপ ভৰাবলৈ 

খেতিয়কৰ তুমি পেট কাটিছা

সকলোৱে জানে গোপনে গোপনে

কাৰ কাৰ ভৰি চেলেকিছা

কিয় তোমাৰ লগত আজি তেওঁলোকে নুযুঁজিব

মূৰ্তি বগৰাই বগৰাই

বাগৰি পৰিল যি নিজৰ ভিতৰত

খেতিয়ক সমাজে পুনৰ তেওঁক

জনতাৰ কাঠঘৰাত থিয় কৰাব।

২১ জানুৱাৰী, ২০২১