মূলঃ বাবা নাগাৰ্জুন
অনুবাদঃ বিতোপন গগৈ
ভাৰত মাতাৰ পাঁচজন পুত্ৰ, শত্ৰু আছিল নৃশংস
গুলি খাই এজন মৰিল, বাকী থাকিল চাৰিজন মাত্ৰ
ভাৰতমাতাৰ চাৰিজন পুত্ৰ, সুচতুৰ আৰু অভিজ্ঞ
দেশ ভাঙিলে পালে এজনে, বাকী থাকিল তিনিজন মাত্ৰ
ভাৰতমাতাৰ তিনিজন পুত্ৰ, লাগিল সিহঁতৰ দ্বন্দ্ব
এজন গ'ল আঁতৰি, এতিয়া থাকিল দুজন মাত্ৰ
ভাৰতমাতাৰ দুজন পুত্ৰ, এৰিলে পুৰণি সম্পৰ্ক
গাদীত এজন বহিল, বাকী থাকি গ'ল এজন মাত্ৰ
ভাৰতমাতাৰ এজন পুত্ৰ, কান্ধত তেওঁৰ পতাকাৰ লাঠি
শান্তিৰক্ষকে জেলত ভৰালে, বাকী থাকি গ'ল আলুগুটি!
২৭ ডিচেম্বৰ, ২০২০
No comments:
Post a Comment