-----------------
বৰষুণ
বৰষুণ
বৰষুণ মোৰ প্ৰিয়
বৰষুণ মোৰ প্ৰিয় সহচৰ
বৰষুণ মোৰ সুখৰ দিনৰ সহচৰ
বৰষুণ মোৰ দুখৰ দিনৰ সহচৰ
বৰষুণ মোৰ চিৰ সহচৰ
বৰষুণে সাবটে মোৰ দেহ
বৰষুণে সাবটে মোৰ মন
বৰষুণে চিনি পায়
মোৰ দেহৰ প্ৰতিটো ভাঁজ
মোৰ মনৰ প্ৰতিটো সাঁচ
বৰষুণে ঢাকি ধৰে চকুলো
চকুলো বৰষুণ হয়
বৰষুণে কৈ যায়
চকুলোৰ বিষাদ গাঁথা
বৰষুণে গায় যায়
বৰ্ষাস্বপ্নৰ গান
বৰষুণে ধুই লৈ যায়
বিষাদৰ ধুলিয়ৰি বাট
যি বাটেৰে ৰুনজুন নেপুৰ বজায়
বৰষুণে গায় যায়
ন-অংকুৰিত এবুকু সপোন গান
আঃ বৰষুণ
বৰষুণ
বৰষুণ
মোৰ আজন্ম প্ৰেম
বৰষুণ
8 May, 2014
No comments:
Post a Comment