মূলঃ অমৃতা প্ৰীতম
অনুঃ বিতোপন গগৈ
শুনিছো ৰাজনীতি এখন ক্লাচিক চিনেমা
নায়কঃ বহুমুখী প্ৰতিভাৰ অধিকাৰী
সদায় নিজৰ নাম সলায়
নায়িকাঃ শাসনৰ গাদীত তেওঁৱেই থাকে
অন্যান্যঃ লোকসভা আৰু ৰাজ্যসভাৰ সদস্য
ফাইনেন্সাৰঃ দিন হাজিৰা কৰা মজদুৰ,
শ্ৰমিক, খেতিয়ক
(ফাইনেন্স নকৰে, কৰোওৱা হয়)
সংসদঃ ইনড'ৰ চুটিঙৰ ঠাই
বাতৰি কাকতঃ আউটড'ৰ চুটিংৰ আহিলা
চিনেমাখন মই চোৱা নাই
শুনিছোহে এইখনৰ কথা
কাৰণ চেন্সৰ ব'ৰ্ডৰ মতে এইখন
"প্ৰাপ্তবয়স্কৰ বাবে নহয়"।
No comments:
Post a Comment