মূলঃ হেপ্পী গিৰী
অনুঃ বিতোপন গগৈ
তুমি জানা ন
মা ও কেতিয়াবা প্ৰেয়সী আছিল
বহু নিলিখা কবিতাৰ
নায়িকা আছিল
কেতিয়াবা তেঁৱো সপোন দেখিছিল ছাগে
কেতিয়াবাতো কলেজত দেৰি কৰিছিল
কেতিয়াবা ঘৰত মিছা মাতিছিল ছাগে
কাৰোবাক যে লগ কৰিবলৈ গৈছিল
মাজনিশা বিচনাৰ গাৰু সেমেকিছিল ছাগে
মায়ে যেতিয়া কাৰোবাৰ বিৰহত কান্দিছিল
সেইটো কোনটো দিন আছিল
যিদিনা নায়িকা গৰাকীৰ মৃত্যু হৈছিল
মাৰ এইটো ৰূপৰ বিষয়ে
প্ৰায়ে ভাবো মই
নোসোধো কেতিয়াও
মাত্ৰ এনেয়ে তেওঁক খুঁটিয়াই চাওঁ
মা কেতিয়াবা প্ৰেয়সী হোৱা কথাটোৱে
তেওঁক আৰু মৰমলগা কৰি তোলে
পিতৃসত্ত্বাই তেওঁৰ ওপৰত জাপি দিয়া
ফোপোলা মাতৃত্বৰ বোজাৰ পৰা মুক্ত কৰি দিয়ে
মা সকলো আছিল
যাৰ বাবে মই আজি মই হৈ গৈ আছো
কিন্তু সকলোতকৈ প্ৰয়োজনীয় কথা
এইটো যে
তেওঁ প্ৰেয়সীও আছিল!
৯ মে' ২০২১
No comments:
Post a Comment