মূলঃ জেচিন্তা কেৰকেট্টা
অনুঃ বিতোপন গগৈ
গছবোৰে আপোনাক
গছ ৰুবলৈ কোৱা নাই
মাত্ৰ নিজৰ ভাগৰ মাটিখিনি এৰি দিবলৈ কৈছে
য'ত সিহঁত নিজৰ ধৰণে গজিব পাৰে
কিন্তু আপোনালোকে সিহঁতৰ ভাগৰ মাটিত
গোঁজ পুতি বহি আছে
আৰু "গছ ৰোৱক, পৃথিৱী বচাওক" বুলি চিঞৰি আছে
জীয়াই থাকিবলৈ
উশাহ লৈও এতিয়া
আপোনালোকে বৰ কষ্টৰে
নিশাহ এৰাৰ অভ্যাস কৰি আছে
গছবোৰৰ ভাগত পৰা পৃথিৱীখন এৰি দিবলৈ
আপোনালোকৰ কিমান সাহস আছে?
No comments:
Post a Comment