মূলঃ হো চি মিন
অনুঃ বিতোপন গগৈ
১
এক ভয়ংকৰ ৰাক্ষসৰ দৰে
ভোকাতুৰ মুখ মেলি
প্ৰতি নিশাই শিকলিবোৰে মানুহবোৰৰ ভৰি গিলি পেলায়
সিহঁতৰ দাঁতে প্ৰতিজন কয়েদীৰ সোঁভৰিত কামুৰি ধৰে
মাত্ৰ বাওঁভৰিটো কোচাবলৈ মেলিবলৈ মুক্ত হৈ থাকে
২
তাৰপাছতো এই ধৰাত একোটা আচৰিত ঘটনা ঘটে
মানুহবোৰে শিকলিৰ বান্ধোনত নিজৰ ভৰি ভৰাবলৈ দৌৰে
এবাৰ বান্ধোনত পৰাৰ পাছত
সিহঁত শান্তিৰে শুব পাৰে
নহ'লে মূৰটো লুকুৱাবলৈও
সিহঁতে ঠাই বিচাৰি নাপায়।
১৯ মে' ২০২১
No comments:
Post a Comment