মূলঃ সুমিত চোপ্ৰা
অনুঃ বিতোপন গগৈ
ভাঙি দে পিঞ্জৰা
হাতুৰীৰে কোবাই
এইবাৰ মেৰাই ল গাত
নীলা আকাশখন
তাৰপাছত দেখা যাওক
কোনে তোক ক'ব পাৰে
বেচেৰী বতাহৰ দৰে পাতল
তই ভাঙি পেলা এই পিঞ্জৰা
তই ওপজাৰে পৰা
উপেক্ষিত
সেই হিচাপ এতিয়াও বাকী
যি মাটি তোৰ প্ৰাপ্য
এইবাৰ তই কাঢ়ি ল
সেই অধিকাৰ
তই ভাঙি পেলা সেই পিঞ্জৰা
কোৱা হয় এই সম্বন্ধ বহুত গভীৰ
প্ৰকৃততে এয়া
ৰক্ষাৰ নামত বান্ধোন
খুলি দে সকলো গাঁঠি
কাটি পেলা সকলো দুৱাৰ
তই ভাঙি পেলা সকলো পিঞ্জৰা
তোক সিহঁতে নীচ দেখুৱায়
কাৰণ ভয় কৰে তোক
সাহস দেখি তোৰ
কঁপি উঠে সিহঁতৰ বুকু
সিহঁতক তই ত্ৰাসিত কৰ
তই ভাঙি পেলা পিঞ্জৰা
নহবি মাথো তই সোঁতত সাতোৰা
তোৰ নিজৰো আছে বহু অকথিত কথা
জপিয়াই সকলো দেৱাল
তই ভাঙ সকলো নিয়ম
তই ভাঙি পেলা তোৰ পিঞ্জৰা!
২১ জুন, ২০২১
No comments:
Post a Comment