মূলঃ পুনিত শৰ্মা
অনুঃ বিতোপন গগৈ
মহাৰাজে টিভিত কৈছে দুচকুত নিজৰা লৈ
মৰি আছে সকলোবোৰ মোক বদনাম কৰিবলৈ
সকলোৰে ঘৰত অন্ন আছে জানি-বুজি নাখায়
মোকলৈ ঈৰ্ষা কৰে মোৰ চৰ্চা সহ্য নহয়
নিজৰ উশাহ নিজে বন্ধ কৰে নিজৰ ডিঙি মোচৰি
মৰি গ'ল কিন্তু চাওকচোন দেহটো কিমান অহংকাৰী
ইহঁতে টকা পাইছে এই কাম কৰিবলৈ
মৰি আছে সকলোবোৰ মোক বদনাম কৰিবলৈ
প্ৰতিটো ৰাস্তাতে মই গজাই তুলিছো ঔষধৰ ফচল
এখন দুখন কি গোটেই দেশখনেই কৰি দিছো হস্পিতেল
ইহঁতৰ আচল পৰিকল্পনা তোমাক নকয়
প্ৰথমে মৰি যায় আৰু পাছত একোটা সংখ্যা হৈ বাঢ়ি যায়
সংখ্যা হৈ যায় মোৰ মূৰত মাৰিবলৈ
মৰি আছে সকলোবোৰ মোক বদনাম কৰিবলৈ
২৩ মে' ২০২১
No comments:
Post a Comment