মূলঃ পাশ (অৱতাৰ সিং সন্ধু)
অনুবাদঃ বিতোপন গগৈ
সপোন সকলোৱে নেদেখে
প্ৰাণহীন বাৰুদৰ অণুবোৰত
শুই থকা জুইয়ে সপোন নেদেখে
বেয়াৰ বাবে দঙা হাতত বিৰিঙি উঠা
ঘামবোৰে সপোন নেদেখে
চেল্ফত পৰি থকা ইতিহাসৰ কিতাপবোৰে
সপোন নেদেখে।
সপোন দেখিবৰ বাবে অপৰিহাৰ্য
এখন সহনশীল হৃদয় থকাতো
সপোন দেখিবৰ বাবে
নিদ্ৰাৰ চকু থকাতো অপৰিহাৰ্য
সেয়ে সকলোৱে সপোন নেদেখে।
৯ ছেপ্তেম্বৰ, ২০২২
No comments:
Post a Comment