মূূলঃ সাহিৰ লুধিয়ানৱী
অনুঃ বিতোপন গগৈ
এই চুলিটাৰি খুলি যদি আউলি বাউলি হৈ যায় তেন্তে ভালেই
এই নিশাটোৰ ভাগ্য যদি মুকলি হৈ যায় তেন্তে ভালেই
তোমাৰ সৈতে যিদৰে কিছু সময় পাৰ কৰি আহিলো
বাকীখিনিও যদি সেইদৰেই পাৰ হৈ যায় তেন্তে ভালেই
সমাজৰ চকুত ভালনো কি বেয়ানো কি
এই বোজা যদি মনৰ পৰা আঁতৰি যায় তেন্তে ভালেই
এনেইতো তুমিয়েই মোক শেষ কৰিছা
দোষটো যদি আনৰ ওপৰত পৰি যায় তেন্তে ভালেই!
১৬ ফেব্ৰুৱাৰী, ২০২২
No comments:
Post a Comment