মূলঃ কাইফী আজমী
অনুঃ বিতোপন গগৈ
কেইটামান মুহূৰ্তৰ নাম জীৱন
আৰু তাৰো এটা মুহূৰ্ত
য'ত কথা কৈ থকা দুটি চকু
চাহৰ পিয়লাৰ পৰা যেতিয়া উঠিল
লগে লগে হৃদয়ত ডুবিল
হৃদয়ৰ ক'ৰবাত ডুবি
আজি তুমি একো নক'বা
আজি মই একো নকওঁ
মাথো এনেকৈয়ে বহি থাকা
হাতত হাত থৈ
দুখেৰে ভৰা উপহাৰৰ টোপোলা লৈ
আৱেগ অভিমানৰ উত্তাপ লৈ
কি জানি সেই মুহূৰ্ততেই
দূৰ পৰ্বতত ক'ৰবাত
বৰফ গলেই বা!
২১ মাৰ্চ, ২০২২
No comments:
Post a Comment