মূলঃ ৰাম ৰাজ কুশৱাহা
অনুবাদঃ বিতোপন গগৈ
১৪ আগষ্টৰ সন্ধ্যা মই লিখিলো
স্বাধীনতাৰ চাকি জ্বলিবনে কেতিয়াবা
যি জ্বলিছিল সিও নুমাই গ'ল কেতিয়াবাই
চৰকাৰে যদি কৰি থাকে প্ৰৱঞ্চনা
তেন্তে সলনি নহয় জনতাৰ দুদৰ্শা
এনেকৈ স্বাধীনতাৰ চাকি জ্বলিবনে কেতিয়াবা
কেতিয়ালৈকে চলিব আমাৰ কন্যাৰ ওপৰত অত্যাচাৰ
তেওঁলোকে কি কেতিয়াও নাপাব স্বাধীনতা
এনেকৈ স্বাধীনতাৰ চাকি জ্বলিবনে কেতিয়াবা
কেতিয়ালৈকে থাকিব নিবনুৱা
কেতিয়াও কি শেষ নহ'ব দৰিদ্ৰতা
এনেকৈ স্বাধীনতাৰ চাকি জ্বলিবনে কেতিয়াবা?
১৪ আগষ্ট, ২০২২
No comments:
Post a Comment