বিতোপন গগৈ
কবিতা প্ৰেমৰ হে লিখিব লাগে
হে তৰুণ কবি
তোমাৰ এতিয়া প্ৰেম কৰাৰ সময়
প্ৰেম কৰা
আৰু প্ৰেমৰ কবিতা লিখা
দেশ-জাতি জহন্নামে যাবলৈ দিয়া
লাগক জুই বজাৰত
ঘৰহীন হওক
তোমাৰ দেশৰ নাগৰিক
তুমি নিলিখিবা প্ৰতিবাদৰ কবিতা
নদী নাৰী পাহাৰৰ কবিতা লিখা
তোমাৰ কবিতাত
নিলিখিবা অত্যাচাৰৰ কথা
উচুপি থাকক দেশৰ জনতা
নুশুনিবা তেওঁলোকৰ আৰ্তনাদ
তুমি লিখা মাথো ফুল বসন্তৰ কবিতা
অ' মোৰ তৰুণ কবি
তুমি নিলিখিবা বিদ্ৰোহৰ কবিতা
দেশ-জাতি জহন্নামে যাবলৈ দিয়া!
১৯ মে', ২০২২
(কবিতা লিখাৰ বাবেই ১৮ বছৰীয়া ছাত্ৰী বৰ্ষাশ্ৰীক দেশদ্ৰোহিতাৰ গোচৰত গ্ৰেপ্তাৰ কৰাৰ প্ৰতিবাদত)
No comments:
Post a Comment