মূলঃ কাৰ্ল হেইনৰিখ মাৰ্ক্স
অনুঃ বিতোপন গগৈ
হাহাকাৰেৰে ভৰা এই জীৱন
মোৰ বাবে নহয়
নাই, মোৰ ধুমুহা মনে এইটো কেতিয়াও মানি নলয়।
মোকতো লাগে এক মহান সুউচ্চ লক্ষ্য
আৰু তাৰ বাবে গোটেই জীৱন সংঘাতৰ নিছিগা ধাৰ।
অ' কলা, তুমি খুলি পেলোৱা
মানৱতাৰ ঐতিহ্য, তোমাৰ অমূল্য সম্পদৰ দুৱাৰ
মোৰ বাবে খুলি দিয়া!
নিজৰ প্ৰজ্ঞা আৰু আৱেগৰ আলিংগনেৰে
সমগ্ৰ বিশ্বকে মই বান্ধি ল'ম!
আঁহা,
আমি ৰুক্ষ আৰু কঠিন যাত্ৰা আৰম্ভ কৰোঁ
আঁহা,
ফোপোলা, উদ্দেশ্যহীন, লক্ষ্যহীন জীৱন
আমি মানি নলওঁ।
আমি ধাৰহীন কলম ঘহাই
উৎপীড়ন সহি অসহায় জীৱন এটা জীয়াই নাথাকো।
আমি আকাংক্ষা, আক্ৰোশ, আৱেগ
আৰু অভিমানেৰে জীয়াই থাকিম।
আমি প্ৰকৃত মানুহৰ দৰে জীয়াই থাকিম।
৫ মে' ২০২৩
No comments:
Post a Comment