মূলঃ দেবেন্দৰ কুমাৰ
অনুঃ বিতোপন গগৈ
সিহঁতে বিচাৰে
আমাৰ ওপৰত গুলি চলি যাওক
আৰু কোনেও একো নকওক
নিৰৱে নিমাতে ঘৰলৈ গুচি যাওক
সকলো গুচিও যায়
তাৰ পাছত সিহঁতে ঘৰবোৰ ভাঙিবলৈ আহি যায়
সিহঁতে বিচাৰে মানুহবোৰ বিনা প্ৰতিবাদে
ঘৰহীন হওক
আৰু সিহঁতে ঘৰবোৰ ভাঙিবলৈ আৰম্ভ কৰি দিয়ে
সিহঁতে বিচাৰে মানুহবোৰ পাহাৰ, অৰণ্য
আনকি খেতি পথাৰতো নাথাকক
মানুহবোৰ নিদ্ৰাহীন হৈ থাকি যায়
সিহঁতে বুলডজাৰেৰে
সকলোবোৰ ধুলিস্যাৎ কৰিব বিচাৰে
আৰু মানুহবোৰে এতিয়া যুঁজিব বিচাৰে
সেই শান্তিপ্ৰিয় মানুহবোৰ
যাক মানুহৰ উন্নয়নৰ ঠিকা দিয়া হৈছে
সিহঁতে উচ্ছেদিত সকলক বেদখলকাৰী
বিদেশী দেশদ্ৰোহীৰ টেগ লগাই দিয়ে
আৰু দেশভক্ত কৰ্পৰেটে
উচ্ছেদিত ভূমিত সুউচ্চ দালান সাজি
নিজৰ দায়িত্ব পালন কৰে!
১ মাৰ্চ, ২০২৩
No comments:
Post a Comment