মূলঃ এম বেৰী
অনুঃ বিতোপন গগৈ
আজি পুৱাই
ইংৰাজী gauze শব্দটো শিকিলো
(মিহিকৈ বোৱা চিকিৎসাত ব্যৱহৃত কাপোৰ)
আৰবী শব্দ غَزَّة
বা ghazzaৰ পৰা আহিছে এইটো
কাৰণ গাজাৰ অধিবাসীসকল
শতিকাজুৰি দক্ষ বয়নশিল্পী
মই তেতিয়া আচৰিত হ'লো
তেওঁলোকৰ বাবেই
আমাৰ কত যে ক্ষতস্থানত
পটি বান্ধিব পাৰিছো
আৰু আজি
তেওঁলোকৰ কিমান ক্ষতস্থান
পটিহীন উন্মুক্ত হৈ পৰি আছে
আমাৰ কাৰণেই!
১৪ নৱেম্বৰ, ২০২৩
No comments:
Post a Comment