(আজি কবিৰ জন্মদিন)
মূলঃ ফেইজ আহমদ ফেইজ
অনুঃ বিতোপন গগৈ
তোমালৈ মনত পৰি থাকিল গোটেই ৰাতি
জোনাকে দুখ চতিয়াই থাকিল গোটেই ৰাতি
সময় জ্বলি থাকিল সময় নুমাই থাকিল
দুখৰ চাকিটো জিলমিলাই জ্বলি থাকিল গোটেই ৰাতি
পোচাকে বহু সুগন্ধী সলাই থাকিল
কোনোবা ছবিয়ে গীত জুৰি থাকিল গোটেই ৰাতি
তাৰপাছত বতাহে ফুলনিৰ ছাঁত
বহু কাহিনী শুনাই থাকিল গোটেই ৰাতি
যি নাহিল দুৱাৰৰ শিকলিয়ে
তেওঁক মাতি থাকিল গোটেই ৰাতি
এটা আশাই হৃদয়খন নিচুকাই থাকিল
এটা হেঁপাহে অস্থিৰ কৰি ৰাখিল গোটেই ৰাতি
তোমালৈ মনত পৰি থাকিল গোটেই ৰাতি
১৩ ফেব্ৰুৱাৰী, ২০২৩
No comments:
Post a Comment