সেনাপতি মহোদয়

মূলঃ বাৰ্টল্ট ব্ৰেখট

অনুবাদঃ বিতোপন গগৈ

সেনাপতি মহোদয়, আপোনাৰ টেংকখন শক্তিশালী বাহন

ই মহতীয়াই নিয়ে অৰণ্য আৰু চেপি পেলাই শ শ মানুহ

কিন্তু ইয়াৰ এটা খুঁত আছেঃ

তাৰ বাবে এজন ড্ৰাইভাৰ লাগে।

সেনাপতি মহোদয়, আপোনাৰ বোমাৰু বিমানখন শক্তিশালী

ই ধুমুহাতকৈ বেছি বেগেৰে উৰি যায় আৰু হাতী এটাতকৈও বেছি ওজন কঢ়িয়াই লৈ ফুৰে

কিন্তু ইয়াৰ এটা দোষ আছে:

ইয়াৰ বাবে এজন পাইলট লাগে।

সেনাপতি মহোদয়, মানুহ বৰ উপযোগী জীৱ

ই উৰিব পাৰে আৰু হত্যা কৰিব পাৰে

কিন্তু ইয়াৰো এটা দোষ আছে:

ই চিন্তা কৰিব পাৰে!

৩০ ছেপ্তেম্বৰ, ২০২৩