মূলঃ কিতাবগঞ্জ
অনুঃ বিতোপন গগৈ
আমাৰ ভালপোৱাৰ সিদ্ধান্ত
সংসদে ল'ব।
সংসদে কৰিব সিদ্ধান্ত
সেই দিনটোৰ
যিদিনা তুমি কলেজৰ পৰা বাহিৰলৈ ওলাই
এজন পুৰণি কবিৰ কবিতাৰে
তুমি কৈছিলা
মই কেনেকুৱা।
আৰু সংসদৰ সিদ্ধান্তৰে
বাছি লোৱা হ'ব
সেই পুৰণি গীত
য'ত বন্দী হৈ আছো
তুমি আৰু মই।
আৰু
সংসদে সিদ্ধান্ত কৰিব
যে
তোমাক দেখি
মোৰ দুগাল কিমান ৰঙা হ'ব পাৰিব।
সংসদৰ সিদ্ধান্ততেই
মোৰ দুচকু ভৰিব
দেখিম সপোন
আৰু
থ'ম হাতত হাত।
১২ মে', ২০২৩
No comments:
Post a Comment