মূলঃ কুমুদ অনুঞ্জয়া
অনুঃ বিতোপন গগৈ
মোৰ শাৰী, মোৰ চাদৰ
মোৰ জিন্স, মোৰ কুৰ্টা
মই মোৰ সন্মান ৰাখি পিন্ধো
তাত আন কাৰোবাৰ কি আহে যায়?
মোৰ চিন্তা মোৰ বিচাৰ
মোৰ বিবেক মোৰ দৃষ্টিকোণ
মই মোৰ দৃষ্টিৰে পৃথিৱী চাওঁ
যদি তাৰ বাবে কাৰোবাৰ চকু পোৰে
তাত মোৰ কি আহে যায়?
মোৰ কবিতা মোৰ গীত
মোৰ ভাষা মোৰ ছন্দ
ভুলটোক ভুল বুলি ক'লে
যদি কাৰোবাৰ গা জ্বলে
তাত মোৰ কি আহে যায়?
মোৰ আকাশ মোৰ জোন
মই জোনলৈ লাগিলে জখলাৰেই গৈ পাওঁ
জোনৰ দাগবোৰ যদি মই মচিও দিওঁ
তাৰবাবে হৃদয় যদি সমাজৰ জ্বলে
তাত মোৰ কি আহে যায়?
২৯ আগষ্ট, ২০২৩
No comments:
Post a Comment