মূলঃ পুষ্যমিত্র উপাধ্যায়
অনুবাদঃ বিতোপন গগৈ
শুনা দ্রৌপদী অস্ত্র উঠাই লোৱা
গোবিন্দ এতিয়া আৰু নাহে
মেহেন্দী বাদ দিয়া তৰোৱাল চম্ভালা
নিজেই নিজৰ মূৰ বচোৱা
জুৱাখেল পাতি শকুনি লৈছে বহি
বিক্রী হৈ যাব সকলোৰে জ্ঞান-বুদ্ধি
শুনা দ্রৌপদী অস্ত্র উঠাই লোৱা
গোবিন্দ এতিয়া আৰু নাহে
কেতিয়ালৈ তুমি আশা কৰি থাকিবা
বিক্রী যোৱা খবৰকাকতৰ পৰা
কি নিৰাপত্তা বিচাৰিছা তুমি
দুঃশাসনৰ ৰাজসভাৰ পৰা
যি নিজে লজ্জাহীন হৈ আছে বহি
সিহঁতে কি ৰক্ষা কৰিব লাজ
শুনা দ্রৌপদী অস্ত্র উঠাই লোৱা
গোবিন্দ এতিয়া আৰু নাহে
কালিলৈকে ৰজা মাত্র অন্ধ আছিল
আজি কলা-বোবাও হৈ গ'ল
জনতাৰ ওঠ চিলাই দিলে
কাণটো লগালে পহৰা
তুমিয়ে কোৱা তোমাৰ এই চকুলোৱে
কাক কিমান কি বুজাব
শুনা দ্রৌপদী অস্ত্র উঠাই লোৱা
গোবিন্দ এতিয়া আৰু নাহে!
১৮ জুন, ২০২৩
No comments:
Post a Comment