মূলঃ কিতাবগঞ্জ
অনুঃ বিতোপন গগৈ
জ্বলি থকা অসংখ্য চিতাৰ জুইৰে
যেতিয়া আমি হৃদয় জ্বলাব লাগিছিল
তেতিয়া চৰকাৰী সাংবাদিকে
যাদু কৰি মৃতদেহবোৰক
একোটা সংখ্যা বনাই দিলে।
আমাৰ চকুলো হৈ পৰিল গণিত
তেওঁলোকৰ কফিন কাপোৰতকৈও
অধিক বগা কাগজত
তেওঁলোকৰ নামৰ ঠাইত
একোটা সংখ্যা লিখা হ'ল
য'ত সেই সকলোকে অদৃশ্য কৰি দিয়া হ'ল
সেই পৰিসংখ্যাতো
সেই ৰেলগাড়ীৰ দৰেই ভিৰ আছিল
সেই পৰিসংখ্যাতো
ঠিয় হৈ থাকিবলৈ ঠাই নাছিল
আমি সঁচাকৈয়ে জোগাৰৰ দেশ।
৪ জুন, ২০২৩
No comments:
Post a Comment