মূলঃ বাচ্ছা লাল "উন্মেষ"
অনুঃ বিতোপন গগৈ
আমাক মাটি লাগে
গোটেই আকাশখন তোমালোকে লৈ লোৱা
আমাক সংবিধান লাগে
গীতা কোৰাণ তোমালোকে লৈ লোৱা
আমাক ভাত লাগে
আধ্যাত্মিক জ্ঞান তোমালোকে থৈ দিয়া
আমাক সংস্থাপন লাগে
ব্ৰত আৰু ধ্যান তোমালোকে কৰি থাকা
আমাক বিচাৰধাৰা লাগে
এই নিৰ্জীৱ মূৰ্তি তোমালোকে লৈ লোৱা
আমাক কলম লাগে
এই গুলি বন্দুক তোমালোকে থৈ দিয়া
আমাক সন্মান লাগে
এই নিষ্ঠুৰ ভগৱানক তোমালোকে লৈ লোৱা
আমাক মানুহ লাগে
এই জাতিৰ জ্ঞান তোমালোকে থৈ দিয়া
আমাক এইবোৰৰ পৰা স্বাধীনতা লাগে
নিজৰ মহান সংস্কৃতি তোমালোকেই থৈ দিয়া।
২৫ মাৰ্চ, ২০২৩
No comments:
Post a Comment