(ৰাষ্ট্ৰীয় কন্যা শিশু দিৱসৰ কবিতা)
মূলঃ কিতাবগঞ্জ অনুঃ বিতোপন গগৈ
মোৰ কণমানি কেইজনী
তোমালোকে ডাঙৰ হৈ
সকলোবিলাক কৰিবা
যিয়ে তোমালোকৰ কৰিবলৈ মন যায়।
আৰু যদি সময় পোৱা
তেনেহ'লে
প্ৰেমও কৰিবা
যাৰ সৈতে বিচাৰা।
মহাকাশৰ পৰা
প্ৰেমিকৰ ঘৰলৈকে
তোমালোক নিৰ্ভয়ে যাবা
ভয়ৰ চকুত চকু থ'বলৈ শিকিবা
আৰু শিকিবা হাতত হাত থ'বলৈ।
মোৰ কণমানি কেইজনী
মই মোৰ প্ৰেমিকাৰ পৰা
শিকিছিলো কেতিয়াবা যে
পুৰুষতন্ত্ৰৰ শিপা উভালিবলৈ
ইমানখিনেয়ে যথেষ্ট!
২৪ জানুৱাৰী, ২০২৩
No comments:
Post a Comment